Free Belarus Center запускае стыпендыяльную рэзідэнцыю для беларускіх актывістаў_ак, журналістаў_ак і праваабаронцаў у Партугаліі. Адабраныя стыпендыянты_кі змогуць рэалізоўваць свой уласны праект цягам васьмі тыдняў, знаходзячыся ў Партугаліі і пры неабходнасці працягваючы сваю асноўную працу дыстанцыйна.
Хто можа падаць заяўку: дасведчаныя працаўнікі арганізацый грамадзянскай супольнасці, журналісты_кі, даследчыкі_цы з пацверджаным досведам працы ў сектары НДА, незалежных СМІ ці даследніцкіх цэнтрах не меней за 3 гады. Актывісты_кі з Беларусі, якія пражываюць у краіне ці за яе межамі.
Заяўкі прымаюцца ад аплікантаў_ак, якія знаходзяцца на стадыі рэалізацыі ўласнага праекта, распрацоўкі праектных канцэпцый, медыя-кампаній, журналісцкіх расследаванняў і сацыяльных даследаванняў, але патрабуюць бяспечных, спакойных і рэкрэацыйных варункаў, якія б дапамаглі прадухіліць выгаранне.
Напрамкі патэнцыйных праектаў:
- Інфармацыйныя праекты, накіраваныя на асвятленне актуальных беларускіх падзей;
- Праекты, звязаныя з парушэннем правоў чалавека ў Беларусі і ў краінах, дзе ёсць беларуская дыяспара;
- Сацыяльныя праекты, звязаныя з Беларуссю і краінамі, дзе ёсць беларуская дыяспара;
- Культурныя праекты, звязаныя з Беларуссю і краінамі, дзе ёсць беларускія актывісты_кі.
Якія напрамкі не падтрымліваюцца стыпендыяй:
- Праекты і ініцыятывы, якія накіраваныя на дзяцей і падлеткаў;
- Некалькі мерапрыемстваў, не звязаных паміж сабой агульнай мэтай;
- Правядзенне і арганізацыя канферэнцый, трэнінгаў, інш.
Па выніках рэзідэнцыі чакаецца, што ўдзельнікі_цы змогуць прадставіць канкрэтныя рэзультаты сваёй працы.
Працягласць адной рэзідэнцыі – 8 тыдняў.
Пачатак першага набору плануецца на 20 студзеня
У стыпендыяльнай рэзідэнцыі плануецца тры наборы. Калі ласка, абярыце перыяд, які найлепей вам пасуе:
- 20 студзеня–9 сакавіка
- 11 сакавіка–4 траўня
- 6 траўня–29 чэрвеня
Арганізатары_кі цалкам забяспечваюць пражыванне, праезд, стыпендыю ў памеры 500$ раз на месяц, а таксама юрыдычную, псіхалагічную, ментарскую і экспертную падтрымку па запыце.
Для падачы заяўкі на стыпендыяльную праграму патрэбна дадаць CV і рэкамендацыйныя лісты ад двух асоб.
Арганізатары не могуць гарантаваць падтрымку ў атрыманні візы.
Дэдлайн падачы заяўкі – 28 снежня (уключна).
Спасылка на форму заяўкі: https://forms.gle/tNHbG27iLhARt7YG6