Free Belarus Center запрашае беларускіх актывістак прыняць удзел у трохмесячнай праграме акселератара жаночых праектаў і грамадскіх ініцыятыў.

Пад час праграмы ўдзельніцы атрымаюць ментарскую падтрымку па развіцці ідэй сваіх праектаў, пазнаёмяцца з вядучымі арганізацыямі і спікерамі_камі беларускіх грамадскіх арганізацый, пройдуць трэнінг па ўзмацненні лідарскіх якасцяў, праектнага менеджменту, навыкаў вядзення перамоваў, працы з медыя, асертыўнасці.

Праграма ўключае ў сaбе:

• трохдзённы афлайн-трэнінг і адукацыйныя візіты ў адмысловыя арганізацыі, які пройдзе 16-18 студзеня 2023 года ў адной з краін ЕС,
• працу над праектамі з ментарамі_камі анлайн і воркшопы са спікерамі_камі з розных напрамкаў.

Напрыканцы праграмы адбудзецца пітчынг праектаў, па выніках якога лепшыя ініцыятывы змогуць атрымаць фінансавую падтрымку ад 500 да 2000 USD.

Хто можа падавацца на праграму:

• беларускі, якія знаходзяцца як у Беларусі, так і за яе межамі;
• беларускі, у якіх ёсць ідэі важных грамадскіх праектаў;
• прадстаўніцы НДА і актывісткі ці прадстаўніцы культурнага асяроддзя
• досвед у рэалізацыі грамадскіх праектаў вельмі вітаецца.

Праекты павінны падпадаць пад наступныя накірункі:

• прасоўванне гендэрнай роўнасці і барацьба з гендарнай і іншым формам дыскрымінацыі;
• падтрымка, развіццё і адаптацыя беларусаў і беларусак у эміграцыі;
• праца з культурнай спадчынай і праектамі, накіраванымі на развіццё і захаванне культуры Беларусі;
• развіццё грамадзянскай супольнасці ўнутры краіны ці ў эміграцыі.

Пажадана, каб удзельніцы мелі дзеючыя візы для наведвання афлайн-трэнінга ў краіне Еўразвяза — арганізатары не гарантуюць магчымасць атрымання візы, але будуць спрыяць яе атрыманню. Лакацыю мы паведамім дадаткова (транспартныя выдаткі, а таксама выдаткі на пражыванне і харчаванне пакрываюць арганізатары).

Падчас акселератара вы зможаце:

• узмацніць навыкі праектнага менеджменту ў грамадскай сферы;
• узмацніць навыкі фандрайзінгу для грамадскіх праектаў;
• эфектыўна камунікаваць і прасоўваць ініцыятывы;
• пазнаёміцца з жаночымі арганізацыямі і ініцыятывамі Польшчы.

Акселератар будзе складацца з наступных этапаў:

• выязны трохдзённы трэнінг і наведванне профільных установаў і арганізацый (афлайн);
• ментарства (анлайн);
• фінальны пітчынг праектаў (анлайн);
• лепшыя праекты атрымаюць міні-гранты.

Тэрмін правядзення праграмы: студзень-сакавік

Афлайн-інтэнсіў і адукацыйныя візіты: 16-18 студзеня 2023 года

Падаць заяўку на ўдзел

Дэдлайн падачы: 16 снежня ўключна